पश्चिमतिर,
पश्चिमतिर,
सहदेब पौडेल
न्युयोर्क
पश्चिमतिर,
चराहरू चाराको खोजीमा निस्कन्छन.
सामाजिक प्राणीहरु बसाई सर्छन
किनभने पश्चिममा
चारा छ बॉस छ भनिन्छ
पश्चिमतिर,
छालाका रंगहरू छ,
बुझ्ने नबुझ्ने भाषा भंगीमा छ
किनभने पश्चिममा
सभ्यता छ संस्कृति छ भनिन्छ
पश्चिम तिरै,
रोल्पाका गाऊ बेशी छ,
बाटो घाटो बिनाको कर्णाली छ
किन भने पश्चिममा
नदेखिने डर बसेको छ भनिन्छ
पश्चिमतिर,
बलुवाका घरहरू छ,
समुन्द्रिक सपनाका लहरहरू छ
किन भने
पश्चिममा भबिश्य छ भनिन्छ.
पश्चिमतिर,
दिन पहेलिदै गएको छ,
थकानहरु पसिना बन्दै पग्लेको छ,
पश्चिम बिश्राम गर्न खोज्दै छ रे!
किन भने पश्चिममा
साँझ परेको छ.
